Wac Mene Maber?

1. Wac maber mawok bongi were a mene?

Were mito ni ji jowobedi i kwo ma kisangala i piny ka. Go ocweyo piny kodi kis gimoro je manitie i piny rupiri go omaro ji. Were cegin loko piny me kabedo maber swa. Go cegin kwanyo woko gikipiny je makelo candirok.​—Soma Yeremia 29:11.

Ongoye dhum moro je ma nyalo kwanyo woko lweny, two, kosa tho.To nitie wac maber. Were cegin kwanyo woko dhum pa ji wokeli apere. Ji ma jolabedo i dhum pa Were jolalimo siem kodi kwo maber.​—Soma Isaya 25:8; 33:24; Daniel 2:44.

2. Raŋo winjo wac maber obedo gimadwoŋ swa pama?

Were kutho lareyo woko jomareco je, nyaka candirok orumi. (Zefania 2:3) Gino obedi keraŋo? Wac pa Were cango oluwo kwoŋ gikipiny mareco ma pama timere i piny. Gikipiny mareco ma timere i piny nyutho ni Were cegin reyo woko jomareco.​—Soma 2 Timothe 3:1-5.

3. Onyo waripo timo aŋo?

Waripo kisoma Wac pa Were, Baibul, wanyali fonjirok gima mako kwoŋ Were. Baibuli cale gi balwa ma janywol ondiko ri nyithindho pere. Nyutho wan nger ma wanyalo limo kwo maber pama, kodi nger ma wanyalo limo kwo makirum i piny, i hongo mabino. Joman jonyalo winjo marac rupiri isoma Baibul. To rupiri were am’ociko wan kwo makirum, wakiripi yeyo dhano moro je cero wan fongirok gima mako kwoŋ kwo no.​—Soma Agecin 29:25; Menyirok 14:6, 7.