Mikula ma Ndir pa Nowa​—Jomene ma Jowinjo Were?

Joma thoth i ndir pa Nowa jotimo gikipiny marecho. Chakirok 6:5

Adam kodi Eva jonywolo nyithindho to ji jomedere i piny. Rumachien, jomalaika megi jomakere gi Sitan to jochayo Were.

Jobino i piny to jolokere ji to jonywomo mon. Nyithindho ma mon no jonywolo oido jombo loyo dhano moro jye, oido joger aka oido joni gi men moasere.

Piny obino opoŋ’iye ji marecho: ‘Recho pa dhano obino opoŋ i piny gipi aka paro pere jye oido rach hongo jye.’

Nowa owinjo Were to geto yee. Joebrania 11:7

Nowa obedo dhano maber. Jehova owacho ri Nowa nike kidho reyo woko ji jye gi mikula.

Were owacho ri Nowa geto yee madwoŋ swa, orwak’iye jopecho pere kodi ogwange mopokere opokere.

Nowa owacho ri ji kwoŋ mikula moido kidho bino, to jokowinjo go. Jomegi jonyiero go; jomegi oido jomon gi go.

Munyo geto yee orumo, Nowa orwak’iye ogwange. Nowa kodi jopecho pere to bende jodonjo i yee.