Jomotho Jo Nikune?

Ka dhano otho kwo pere rumo kichutho. Tho chale gi nindo. (Yohana 11:11-14) Jomotho jokinyal winjo, neno, luwo, kosa paro. Din matwodo fuonjo ni jomotho jolokere jwogi to jokidho bedo kanyachiel gi ji pajo ma chango jotho. Baibul kifuonji ameno.

Jomotho jokinyal konyo wan, kendo jokinyal chando wan. Ji jomaro chowere munyo joparo nike jonyalo kisangala jomotho. Were kimiti ni wachowere rupiri meno obedo twodo pa Sitan. Aka jomotho jokinyal kisangala, rupiri jongoye gi kwo. Wakiripi lworo kosa lamo jomotho. Waripo lamo Were kende.​—Matayo 4:10.

Jomotho jobino chierino. Jehova bino chierino jomotho jowobedi i piny manyien. Hongo no fuodi kotundo. (Yohana 5:28, 29; Tim 24:15) Paka inyalo chewo dhano ma nindo, apaka Were bende nyalo chewo jomotho.​—Mariko 5:22, 23, 41, 42.

Fuonji ma nyutho ni wakitho kichutho wok bongi Sitan. Sitan kodi jwogi pere jomiyo ji paro nike chuny pa jomotho fuodi kwo aka ni kelo ri ji two kodi teko mopokere opokere. Ruman Sitan wondo ji munyo luwo i lek kodi menyirok. Jehova kimiti ni watem luwo kodi jomotho.​—Menyirok 21:8.