Moo Ye Mawu Gbeye Kaa Bɔ Nɛ Obadia Pee ɔ

Obadia ji Matsɛ Ahab yiwutsotsɛ ɔ we ɔ nɔ hyɛlɔ. Matsɛ Ahab ha nɛ Baal jami he si ngɛ Israel zugba a nɔ tsuo. Se Obadia lɛɛ, e yeɔ Yehowa gbeye kɛ je e “nihe mi tɔɔ.” (1 Ma. 18:​1-13) Benɛ Manyɛ Yezebel fã ke a gbe Yehowa gbali ɔmɛ tsuo ɔ, Obadia yɔse kaa e sa nɛ e pee kã konɛ e nyɛ nɛ e po gbali ɔmɛ a he piɛ. E be gbɔjɔɔ kaa nɔ ko maa ngɔ gbalɔ kake pɛ po kɛ laa, se Obadia lɛɛ e ngɔ gbali 100 kɛ laa nɛ e ha mɛ niye ní ngɛ hwɔ be mi po! E be gbɔjɔɔ kaa nɔ ko maa pee nɔ́ nɛ ɔ nɛ́ lakpa gbali lafahi abɔ nɛ a sɔmɔɔ matsɛ ɔ kɛ manyɛ ɔ be lɛ nae.—1 Ma. 18:19.

Mɛni wa ma nyɛ maa kase ngɛ Obadia sane ɔ mi? E ngɛ mi kaa Obadia yeɔ Ahab gbeye mohu lɛɛ, se e yeɔ Mawu gbeye pe bɔ nɛ e yeɔ Ahab gbeye ɔ. Enɛ ɔ ha nɛ e ná kã, nɛ e kɛ e wami wo oslaa mi kɛ po e nyɛmimɛ ɔmɛ a he piɛ. Ke a tsi wa jami ɔ nya ngɛ he nɛ o ngɛ ɔ, Mawu gbeye yemi maa ye bua mo konɛ o ye bua nyɛmimɛ nɛ a kɛ si himi nɛ mi wa ngɛ kpee ɔ.