Ngɔɔ Mawu Sɔmɔmi Kɛ Pee Oti Ngɛ O Si Himi Mi Kaa Manaen

Manaen piɛɛ nihi nɛ a nyɛɛ hɛ mi ngɛ Antiokia asafo ɔ mi ngɛ kaseli ɔmɛ a be ɔ mi ɔ a he. E “kɛ Herode nɛ ji kpokpa nɔ yelɔ ɔ ya sukuu.” (Níts. 13:1) Lɔ ɔ he ɔ, Manaen ji womi mi lelɔ, nɛ e ma nyɛ maa ba lɛ kaa e je weku nɛ a ngɛ ní wawɛɛ ɔ mi.

Ngɛ enɛ ɔ tsuo se ɔ, Manaen hla kaa e maa pee Kristofono konɛ e ye bua asafo ɔ. E ngɛ mi kaa e ya sukuu nɛ e le nimli nguahi mohu lɛɛ, se e kɛ wo we e he nɔ, mohu ɔ, e sɔmɔ e nyɛmimɛ ɔmɛ.

Manaen níhi a si kpami ɔ ha nɛ wa na kaa Yehowa nɛ wa ma sɔmɔ ɔ he hia kulaa pe je ɔ mi níhi nɛ wa maa di se. Kaa bɔ nɛ Manaen pee ɔ, wɔ hu e sa nɛ waa ngɔ Mawu jami mi níhi kɛ pee oti ngɛ wa si himi mi mohu pe nɛ wa maa di sika kɛ biɛ hemi se ngɛ je ɔ mi. (Mat. 6:33) E ngɛ mi kaa sukuu he hia mohu lɛɛ, se e sa nɛ waa “le níhi nɛ a he hia wawɛɛ ɔ,” nɛ waa bɔ mɔde kaa wa be hae nɛ nɔ́ kpa ko nɛ je wa juɛmi kɛ je Yehowa sɔmɔmi nɔ.—Flp. 1:​9, 10.