La
La nɛ ɔ kɔɔ Salomo he.
72 Oo Mawu, ngɔɔ o kojomi ɔmɛ kɛ ha matsɛ ɔ,
Nɛ́ o ngɔ o dami ɔ kɛ dloo matsɛ ɔ binyumu ɔ.+
2 É fã o we bi ɔmɛ a he ngɛ dami nya,
Nɛ́ e kɛ dami sane yemi nɛ fã nihi nɛ a ní ngɛ mɔbɔ ɔ a he.+
3 Yoku ɔmɛ nɛ á ngɔ tue mi jɔmi kɛ ba ha ni ɔmɛ,
Nɛ yoku wawi ɔmɛ nɛ a ngɔ dami kɛ ba.
4 É fã ni ɔmɛ a kpɛti nihi nɛ a ní ngɛ mɔbɔ ɔ a he,*
É he ohiatsɛ bimɛ a yi wami,
Nɛ e kpata ojo fialɔ hɛ mi.+
5 Be abɔ nɛ pu ngɛ nɛ ɔ, a maa ye mo gbeye,
Be abɔ nɛ nyɔhiɔ ɔ hu ngɛ nɛ ɔ, a maa ye mo gbeye
Yi nɔhi tsuo.+
6 E maa pee kaa hiɔmi nɛ nɛɔ kɛ pueɔ nga nɛ a poo nɔ ɔ nɔ,
Kaa hiɔmi nɛ nɛɔ kɛ pueɔ zugba a nɔ.+
7 Ngɛ e ligbi ɔmɛ a mi ɔ, dalɔ maa bɔ,*+
Nɛ tue mi jɔmi maa hi he fɛɛ he+ kɛ yaa si nyɔhiɔ be si hie hu.
8 E maa ye nihi a nɔ* kɛ je wo nya hiɛ kɛ ya si wo nya hiɛ,
9 Nga kplanaa nɔ bi ɔmɛ ma kplã si ngɛ e hɛ mi,
Nɛ e he nyɛli ɔmɛ a nya ma wu zu.+
10 Tarshish matsɛmɛ ɔmɛ kɛ zugba kpɔhi nɛ nyu bɔle mɛ ɔ a nɔ matsɛmɛ ɔmɛ maa wo tó.+
Sheba kɛ Seba matsɛmɛ ɔmɛ maa ngɔ nike níhi kɛ ba.+
11 Matsɛmɛ ɔmɛ tsuo ma kplã si ngɛ e hɛ mi,
Nɛ je ma amɛ tsuo ma sɔmɔ lɛ.
12 Ejakaa e ma kpɔ̃ ohiatsɛ nɛ foɔ ya kɛ biɔ yemi kɛ buami ɔ,
Kɛ nɔ nɛ e ní ngɛ mɔbɔ, kɛ nɔ fɛɛ nɔ nɛ be yemi kɛ bualɔ ɔ.
14 E ma kpɔ̃ mɛ* kɛ je yi mi wami kɛ basabasa peemi mi,
Nɛ a muɔ he jua maa wa ngɛ e hɛ mi.
15 É hi wami mi nɛ́ a ngɔ Sheba sika tsu ba ha lɛ.+
Á sɔle ha lɛ be fɛɛ be,
Nɛ a jɔɔ lɛ ligbi ɔ tsuo.
16 Ngma maa ba babauu ngɛ zugba a nɔ;+
Yoku ɔmɛ a nɔ ma hyi tɔ kɛ ngma.
17 E biɛ nɛ hi si kɛ ya neneene,+
Nɛ́ e biɛ nɛ pɛ be abɔ nɛ pu ngɛ ɔ.
Nihi nɛ́ á gu e nɔ kɛ ná jɔɔmi ha a he;+
Je mahi tsuo nɛ́ a tsɛ lɛ ke bua jɔmi.
Amen, Amen.