La
148 Nyɛ je Yah yi!*
Nyɛ je Yehowa yi nyɛ nihi nɛ nyɛ ngɛ hiɔwe;+
Nyɛ je e yi ngɛ hiɔwe lokoo.
2 Nyɛ je e yi, nyɛ e bɔfohi tsuo.+
Nyɛ je e yi, nyɛ e tabo ɔ tsuo.+
3 Pu kɛ nyɔhiɔ, nyɛ je e yi.
Nyɛ dodoehi tsuo nɛ nyɛ kpɛɔ, nyɛ je e yi.+
4 Oo hiɔwe ɔmɛ a mi hiɔwe,* nyɛ je e yi,
Nyuhi nɛ ngɛ hiɔwe ɔmɛ a yi nɔ ɔ, nyɛ je e yi.
5 A je Yehowa biɛ ɔ yi,
Ejakaa e fã, nɛ a bɔ mɛ.+
7 Nyɛ je Yehowa yi nyɛ nihi nɛ nyɛ ngɛ zugba a nɔ,
Nyɛ wo mi adebɔ ní nguanguahi, kɛ nyuhi nɛ a mi kuɔ tsuo,
8 Nyɛ oslabai kɛ gbiɛ ngo ngu, snoo kɛ bɔku nɛ mi ti,
Mo kɔɔhiɔ nɛ nya wa nɛ o tsuɔ e munyu ɔ nya ní,+
9 Nyɛ yokuhi kɛ nyɛ yoku wawi tsuo,+
Nyɛ tsohi nɛ woɔ yiblii kɛ nyɛ seda tsohi tsuo,+
10 Nyɛ nga mi lohwehi+ kɛ nyɛ we mi lohwehi tsuo,
Nyɛ níhi nɛ nyɛ sãã si kɛ lohwe pɛlitsɛmɛ,
11 Nyɛ zugba a nɔ matsɛmɛ kɛ nyɛ je mahi tsuo,
Nyɛ ma nikɔtɔmahi kɛ nyɛ zugba a nɔ kojoli tsuo,+
Nimowi kɛ jokuɛwi tsuo.*
E we agboje ɔ ngɛ zugba a kɛ hiɔwe a yi nɔ.+
14 E ma wo e we bi ɔmɛ a he wami* ɔ nɔ,
Ngɛ nihi nɛ a yeɔ lɛ anɔkuale ɔ tsuo a yi jemi he je,
Ngɛ Israelbi ɔmɛ nɛ ji nihi nɛ a su e he haa a yi jemi ɔ he je.
Nyɛ je Yah yi!*