La
Maskil.* La nɛ David po benɛ e ngɛ tɛ puɔ ɔ mi ɔ.+ Sɔlemi.
142 I wo ye gbi nɔ kɛ tsɛ Yehowa kaa e ba ye bua mi;+
I wo ye gbi nɔ kɛ kpa Yehowa pɛɛ kaa e na mi mɔbɔ.
2 I ngɔ ye haomi ɔmɛ kɛ pue e hɛ mi;
I tu ye nyagba amɛ a he munyu ngɛ e hɛ mi+
3 Benɛ ye mumi nya* ta a.
Kɛkɛ nɛ o bu ye blɔ ɔ he.+
A tsɔ̃ mi klama kɛ laa,
Ngɛ blɔ nɛ i nyɛɛɔ nɔ ɔ nɔ.
5 Oo Yehowa, i tsɛɔ mo kaa o ye kɛ bua mi.
6 Mo ta tue ha ya nɛ i ngɛ foe kaa o ye bua mi ɔ,
Ejakaa a ba mi si wawɛɛ nitsɛ.
Mo kpɔ̃ mi ngɛ nihi nɛ a waa mi yi mi ɔ a dɛ mi,+
Ejakaa a he wa pe mi.
7 Mo je mi* kɛ je muɔ mi
Konɛ ma je o biɛ ɔ yi.
Dali nɛ́ a bɔle mi kɛ kpe,
Ejakaa o kɛ mi hiɔ si saminya.