La
115 Wa sɛ hɛ mi nyami, Oo Yehowa, wa sɛ hɛ mi nyami,*
Mohu ɔ, moo wo o biɛ ɔ hɛ mi nyami+
Ngɛ o suɔmi nɛ se pui kɛ o we anɔkuale yemi ɔ he je.+
2 Mɛni he je nɛ e sa kaa je ma amɛ nɛ a bi ke:
“Jije a Mawu ɔ ngɛ?”+
3 Wa Mawu ɔ, hiɔwe e ngɛ;
Nɔ́ fɛɛ nɔ́ nɛ e suɔ ɔ, lɔ ɔ e peeɔ.
4 A we amaga amɛ ji sika hiɔ kɛ sika tsu,
A ji adesa nine nya ní tsumihi.+
5 A ngɛ nya, se a tui munyu;+
A ngɛ hɛngmɛ, se a hyɛ we nɔ́;
6 A ngɛ tue, se a nui nɔ́;
A ngɛ gugwɔ, se a nui nɔ́ he fu;
7 A ngɛ nine, se a tɛ nɔ́ he;
A ngɛ nane, se a nyɛɛ we;+
A kuɛ si po a kpɛ we.+
8 Nihi nɛ a pee amaga amɛ ɔ ma ba pee kaa amaga amɛ nɔuu,+
Nɛ nihi nɛ a ngɔɔ a hɛ kɛ fɔɔ amaga amɛ a nɔ ɔ hu, maa pee kaa amaga amɛ kɛ̃.+
10 Oo Aaron we,+ ngɔɔ o hɛ kɛ fɔ Yehowa nɔ;
Lɛ ji nyɛ yemi kɛ bualɔ kɛ nyɛ tsɛ̃i.
11 Nyɛ nihi nɛ nyɛ yeɔ Yehowa gbeye, nyɛɛ ngɔ nyɛ hɛ kɛ fɔ Yehowa nɔ+
Lɛ ji nyɛ yemi kɛ bualɔ kɛ nyɛ tsɛ̃i.+
13 Yehowa maa jɔɔ nihi nɛ yeɔ lɛ gbeye ɔ,
Nimli wawi kɛ nimli nguahi tsuo.
18 Se wɔɔ lɛɛ wa ma je Yah yi
Kɛ je amlɔ nɛ ɔ kɛ ya neneene.
Nyɛ je Yah yi!*