La
Sɔlemi nɛ nɔ nɛ a ngɛ lɛ yi mi wae ɔ sɔle be mi nɛ e hao,* nɛ e kɛ e hiami níhi ngɛ Yehowa hɛ mi fɔe ɔ.+
2 Koo ngɔ o hɛ mi kɛ laa mi ngɛ ye haomi be mi.+
3 Ejakaa ye ligbi ɔmɛ ngɛ laae kaa lasuku,
Nɛ ye wu ɔmɛ dɔ la kaa nɔ́ nɛ a ngɛ flɔɔnɔɔ mi.+
4 Ye tsui gbo ngɛ ye mi kaa nga nɛ e gbli,+
Ye hɛ je nɔ po kaa ma ye ní.
6 I pee kaa dɔkɔdɔkɔ nyagagatsɛ ngɛ nga nɔ;
I pee kaa klomi wayo ko ngɛ ma doku mi.
8 Ye he nyɛli ɔmɛ bɔɔ mi ahlua ligbi ɔ tsuo.+
Nihi nɛ a yeɔ ye he fɛu ɔ* ngɔɔ ye biɛ kɛ gbiɛɔ nihi.
9 Lazu ba pee ye niye ní,+
Nɛ vonyu futu nɔ́ nɛ i nuɔ ɔ mi,+
10 Ngɛ o we abofu ɔ kɛ o mi mi la a he je,
Ejakaa o wo ye nɔ konɛ o sake mi kɛ fɔ he.
15 Je ma amɛ maa ye Yehowa biɛ ɔ gbeye,
Nɛ zugba a nɔ matsɛmɛ ɔmɛ tsuo maa ye o hɛ mi nyami ɔ gbeye.+
18 A ngma nɔ́ nɛ ɔ kɛ fɔ si ha yi nɔ nɛ maa ba hwɔɔ se ɔ,+
Konɛ nihi nɛ a ná we nɛ a fɔ* mɛ ɔ nɛ a je Yah yi.
19 Ejakaa e jeɔ e he klɔuklɔu nɛ ya hiɔwe ɔ kɛ hyɛɔ zugba a,+
Yehowa jeɔ hiɔwe kɛ hyɛɔ zugba a,
20 Konɛ e nu kɛmɛmi nɛ nɔ nɛ a wo lɛ tsu ɔ ngɛ kɛmɛe ɔ,+
Nɛ́ e ha nɛ nihi nɛ a bu mɛ gbenɔ fɔ ɔ nɛ a ye a he,+
21 Bɔ nɛ pee nɛ a jaje Yehowa biɛ ɔ ngɛ Zion,+
Kɛ e yi jemi ɔ ngɛ Yerusalem,
22 Ke ni ɔmɛ kɛ matsɛ yemi ɔmɛ
Bua a he nya konɛ a sɔmɔ Yehowa a.+
23 E kpɔ̃ ye he wami ɔ ngɛ ye dɛ mla tsɔ;
E po ye ligbi ɔmɛ a nɔ kpiti.
24 I de ke: “Oo ye Mawu,
Ko kpata ye hɛ mi be mi nɛ i wɛ lolo,
Mo nɛ́ o jehahi ngɛ kɛ yaa yi nɔhi tsuo.+
25 Kɛ je blema lokoo nɛ o fia zugba a sisi tomi ɔmɛ,
Nɛ o nine nya ní tsumi ji hiɔwe ɔmɛ.+
26 A hɛ mi ma kpata, se moo lɛɛ o maa hi si daa;
Mɛ tsuo a maa pee momo kaa bɔ nɛ tade peeɔ momo ɔ.
O ma tsake mɛ kaa a tsakeɔ tade, nɛ a maa be kɛ ho.
27 Se moo lɛɛ o tsakee we, nɛ o jehahi be nyagbe bae gblegbleegble.+
28 O sɔmɔli ɔmɛ a bimɛ maa hi si slɔkee,
Nɛ a nina maa hi si slɔkee ngɛ o hɛ mi.”+