Nyamo Lapeny me Cukul me Tiokraci

Lulevi 18:3 twero konyowa me gwokke ki bedo ki tam me pe opore i kom gin matir ki ma pe atir nining? (Ep. 4:17-19) [Jul. 7, w02-E 2/1 pot 29 para. 4]

Cik ma kimiyo i Lulevi 19:2 pwonyowa gin ango, dok omyero watute me lubone pingo? [Jul. 7, w09-E 7/1 pot 9 para. 5]

Cik macon ma kwako beko cam mudong i kare me kayo kac-ci, jenge i kom pwony ma konyowa nining i kareni? (Levi 19:9, 10) [Jul. 7, w06-E 6/15 pot 22-23 para. 13]

Pingo kitwero wacci cik me “wang giculo ki wang” onongo pe cwako tim me culo kwor kekeni? (Levi 24:19, 20) [Jul. 14, w09-E 9/1 pot 22 para. 3-4]

Ka Laicrael omiyo lim bot lawote, awene ma onongo pe opore me gamo lim me magoba, ki dong awene mupore? (Levi 25:35-37) [Jul. 21, w04-E 5/15 pot 24 para. 3]

Pingo kiloko i kom kaka 12 me Icrael kun i ada onongo gitye gin 13? (Wel 1:49, 50) [Jul. 28, w08-E 7/1 pot 21]

Cik ma wanongo i Wel 8:25, 26 i kom kare ma Lulevi myero guti i kema me rwatte, miyowa pwony ango i kom paro pi jo ma mwakagi dong dit? [Agu. 11, w04-E 8/1 pot 25 para. 1]

I nge a woko ki i Ejipt, pingo Luicrael gucako bedo ki cwiny me nguru, dok pwony ma pire tek ango ma wanongo ki i gin mutimme? (Wel 11:4-6) [Agu. 18, w95-E 3/1 pot 15-16 para. 10]

Ngo ma waromo pwonyone ki i kit ma Moses odok kwede i kare ma Eldad ki Medad gucako lok macalo lunebi? (Wel 11:27-29) [Agu. 18, w04-E 8/1 pot 26 para. 4]

Pwony ma pire tek ango ma wanongo ki i cik ma Jehovah omiyo bot jo Icrael ni “gukwo jira i twok dog bongigi”? (Wel 15:37-39) [Agu. 25, w04-E 8/1 pot 26 para. 7]