DUL 3

Kwo i Paradic Onongo Tye Nining?

Jehovah omiyo bot Adam ki Kawa jami mabeco mapol. Acakki 1:28

I nge cweyo Kawa, Jehovah omiye bot Adam

Kawa aye dako mukwongo ma Jehovah ocweyo, ci omiye bot Adam me bedo dakone.—Acakki 2:21, 22

Jehovah ocweyogi ki tam kacel ki kom ma roc nyo bal mo pe iye.

Adam ki Kawa gitye ka neno pacogi ma Paradic

Pacogi me Paradic onongo poto me Eden—kabedo mo mamwonya adada ma kulu mol ki iye dok nyig yadi me acama ki lee dwong iye.

Jehovah onongo loko kwedgi; en obedo lapwonygi. Ka guwinyo lokke, kono gubedo kwo nakanaka i Paradic i lobo.

Lubanga owacci pe myero gucam nyig yat acel ki i kin yadi ducu. Acakki 2:16, 17

Yat ma tye i poto ma Jehovah owaco ni Adam ki Kawa pe gucam

Jehovah onyutu yat mo acel ma tye i poto bot Adam ki Kawa dok ocikogi ni ka gucamo nyig meno ci gibito.

Lamalaika marac, Catan Larac-ci, tye ka tic ki twol me lok ki Kawa

Lamalaika acel ojemo i kom Lubanga. Lamalaika meno en aye Catan Larac-ci.

Catan onongo pe mito ni Adam ki Kawa guwiny Jehovah. Pi man, en otiyo ki twol me tito bot Kawa ni ka en ocamo nyig yat meno, Kawa pe bito, ento bidoko calo Lubanga. Meno gire onongo lok goba.—Acakki 3:1-5.