Nyut ni Iparo pi Dano

Ka iparo pi jo mukene, ci ibiniang kit ma gitamo kwede, kit ma giwinyo kwede, jami ma pigi tek botgi ki dong jami ma gimito. Jo mukene gibiniang ka waparo pigi. Ka wamito konyo jo mukene ki cwinywa ducu, ci man weko waparo pigi. Ka wanyuto ni waparo pi dano i ticwa me pwony, ci nongo watye ka lubo lanen pa Jehovah ma maro dano dok paro pigi, man weko dano ginyikke cok bote.​—Pil 2:4.

Cwiny me paro pi dano pe obedo mere diro me pwony keken. Wanyuto ni waparo pi dano ka wawinyo lokgi ki diro dok ki kica. Dok binen i wangwa ki kit ma watiyo kwede ki cingwa. Ka waparo pi dano, ci waketo cwinywa i komgi. Watute me niang mitigi, niyegi, ki dong kwo ma gitye ka wok ki iye. Waminigi ngec ma twero konyogi ento pe wadiyogi me lokke. Ka jo ma wapwonyogi gijolo lokwa, ci man miyo wabedo ki yomcwiny madwong adada.

NEN VIDIO MA WIYE TYE NI NONG YOMCWINY I TIC ME PWONY​—DONG DIRONI—​NYUT NI IPARO PI DANO, CI IGAM LAPENY MAGI:

• 

  Betty onyuto nining ni eparo pi Precious kadi bed oo let?

• 

  Betty onyuto nining ni eparo pi Precious i kare ma en owaco ni wiye ool ma pe etwero wa kwan?

• 

  Betty onyuto nining ni eparo pi Precious i kare ma en owaco ni pe etwero cano jami kore ki kore?