Cung Matek ka Agikki Woto ki Nyiko Cok

PINGO PIRE TEK: Cok cok-ki jami mogo me aura bitimme ma bimito ni wabed ki tekcwiny dok ki gen i kom Jehovah makato kare mo keken. Twon can madit-ti bicakke ki jwero dini goba. (Mat 24:21; Yabo 17:16, 17) I kare meno bene, nen calo wabitito kwena me ngolokop atyer ka maleng. (Yabo 16:21) Gog me Magog bene bioto lweny i komwa. (Ejek 38:10-12, 14-16) Dong me gwoko jone, Jehovah bioto “mony i nino madit pa Lubanga Won Twer Ducu.” (Yabo 16:14, 16) Wek wabed ki tekcwiny i kare meno, myero wacung matek i kare-ni ka kitye ka temo niyewa.

KIT ME TIMONE:

• Cwak dok ilub cik pa Jehovah.​—Ic 5:20

• Medde ki ribbe kacel ki Lukricitayo luwoti ka woro Jehovah.​—Ibru 10:24, 25

• Bed atera me lubo tira ma dul pa Jehovah miyo.​—Ibru 13:17

• Lwod lok i kom kit ma Jehovah olaro kwede ki jone i kare mukato angec.​—2Pet 2:9

• Leg dok igen Jehovah.​—Jab 112:7, 8

NEN VIDIO MA WIYE TYE NI JAMI MA BITIMME I ANYIM MA BIMITO NI WABED KI TEKCWINY​—BUTE MANOK, CI GAM LAPENY MAGI:

• 

  Gin ango ma otimme ma onongo mitte ni lutit kwena gubed luwiny i kare ma kiribo kacokkegi?

• 

  Bedo lawiny konyowa me bedo ki tekcwiny nining?

• 

  Pingo bimitte ni wabed ki tekcwiny i kare me lweny me Armagedon?

• 

  Ngo mutimme ma kicoyo pire i Baibul ma jingo niyeni ni Jehovah twero laro jone?​—2Tekwaro 20:1-24