Wupo i kom Dako pa Lot

Pingo dako pa Lot olokke oneno ngeye i kare ma en onongo tye ka a woko ki i Codom? Baibul pe waco. (Acak 19:17, 26) Lok pa Yecu nyuto ni dako pa Lot nen calo obedo ka paro jami ma eweko angec. (Luka 17:31, 32) Ngo ma waromo timone wek pe wabal watwa ki Lubanga kit ma dako pa Lot otimo-ni? Pe myero wawek yenyo lonyo odok gin ma pire tek loyo i kwowa. (Mat 6:33) Yecu opwonyo ni ‘pe watwero tic pi Lubanga ka dok watiyo pi lim bene.’ (Mat 6:24) Ento ka waniang ni jami me kom tye ka wiro tamwa ki i timo jami me cwiny kono? Watwero lega bot Jehovah wek ominiwa ryeko me neno ka ma mitte ni watim iye alokaloka, kacel ki tekcwiny ki kero me timone.

NEN VIDIO MA KIPOKO IYE ADEK MA WIYE TYE NI WUPO I KOM DAKO PA LOT, I NGEYE GAM LAPENY MAGI:

• 

  Lyeto me tiyo cente madwong ogudo tam, lok, ki kit Gloria nining?

• Lanen marac pa dako pa Lot tye me cikowa nining i kareni?

• Lubo cik ma igi lac me Baibul okonyo Joe ki lupacone nining?

• Lurem ma Anena onongo tiyo kwedgi gugudo watte ki Lubanga nining?

• Pingo mitte ni omyero wabed ki tekcwiny ka kitye ka keto lyeto i komwa ni waket yenyo cente obed mukwongo i kwowa?

• Brian ki Gloria dok gucako keto jami me cwiny mukwongo i kwogi nining?

• Cik mene ma igi lac me Baibul ma ineno i vidio man?