Kit me Nyutu Magajin

The Watchtower Oktoba 1

“Pol pa dano giuru kace parwa ki cwercwinywa gitye gin ma pire tek bot Lubanga. In itamo ningo? [Mine kare wek ogam. Ci ikwan Jabuli 34:18.] Pwony ma cakke i pot karatac 19 nyamo lok i kom kit ma Lubanga konyowa me lweny ki tam maraco calo ka wawinyo ni konywa pe, ka cwinywa cwer magwar, ki ka cwinywa poto mukato kare pi bal ma watimo.”

Awake! Oktoba

“Jo mukene gineno Lubanga calo teko mo mere ma pe dano. Jo mukene gitamo ni en obedo dano ma winyo kit ma dano winyo kwede. In itamo ningo? [Mine kare wek ogam.] Nen kong tam maber ma kimiyo kany. [Kwan 1 Petero 5:6, 7.] Pwony ma cakke ki i pot karatac 29 miyo lagam me Baibul i kom lapeny man ni, Lubanga tika obedo dano kikome?”

The Watchtower Novemba 1

“Wan ducu wamito winyo ni wayeng ki jami ma watye kwede. Itamo ni cente mitte wek wabed ma wayeng ki jami ma watye kwede? [Mine kare wek ogam.] Laco Baibul acel opwonyo kit me bedo ki yengo kadi bed ni en onongo tye ki jami manok. [Kwan Jo Pilipi 4:11, 12.] Magajin man nyuto mung abic me nongo yengo ma gitye i Baibul.”

Awake! Novemba

“Jo mogo ma giye ni Lubanga pe, gicimo jami maraco ma dano timo i nying Lubanga me nyutu ni lobo-ni romo bedo ber loyo ka dini mo peke iye. In itamo ningo? [Mine kare wek ogam.] Man tyen lok acel mumiyo dini me goba okelo can malit. [Kwan 2 Temceo 4:3, 4.] Magajin man nyutu bal ma tye i pwony pa jo ma giye ni Lubanga peke-ni.”