Lok me Cako Bute me 10

Jehovah aye Kabaka ma loyo ducu. En onyuto twerone i kare mukato angec, dok pud bimedde ki nyuto twerone. Me labolle, en olaro Jeremia ki i bwur ma kibole iye ni wek oto woko. Olaro Cadrak, Mecak, ki Abednego ki i keno malyet ma tye ka lyel mac dok olaro Daniel ki i dog labwor. Jehovah ogwoko Esta wek olar kwo pa jo ducu me rok me Icrael. En pe biye ni tim maraco omedde pi naka. Lok pa lunebi i kom cal madit ki yat mabor mukato kare woko miyowa gen ni Ker pa Lubanga dong cokcok-ki bijwayo tim maraco woko ci biloyo lobo ducu.