Ngo ma kelo yomcwiny i kwo me ot?
Itamo ni obedo . . .
mar?
cente?
gin mo mapat?
GIN MA BAIBUL WACO
“Ka wungeyo lok man, ci wubibedo ki yomcwiny ka wutiyogi!”—Jon 13:17, Acholi Baibul.
BER PA LOK MAN PIRI
Konyo me nongo mar me ada.—Jo Epeco 5:28, 29.
Miyo wanongo woro me ada.—Jo Epeco 5:33.
Weko jo me ot ginote kacel.—Marako 10:6-9.
TIKA ADA WATWERO GENO GIN MA BAIBUL WACO?
Watwero, olo pi tyen lok aryo:
Lubanga aye Ocako te yub me kwo me ot. Baibul waco ni Jehovah “aye acakki me odi ducu.” (Jo Epeco 3:14, 15; Katoli Baibol) Man te lokke ni yub me kwo me ot tye pien Jehovah aye ocako. Pingo man pire tek?
Tam kong: Ka itye ka camo dek mo mamit ento imito ngeyo kit me tedone, mono ibipenyo anga? Pore me penyo latedo-ne pien en aye nongo tye ki ngec maber.
Rom aroma bene, me nongo gin ma kelo yomcwiny i kwo me ot, myero walokke bot Jehovah, Ngat ma Ocako te yub me kwo me ot.—Acakki 2:18-24.
Lubanga paro piri. Bedo me ryeko ka jo me ot gulubo tira pa Jehovah, ma en miyo kun wok ki i Lokke. Pingo? ‘Pien en paro piri.’ (1 Petero 5:6, 7) Jehovah mari matek—dok tirane ducu tiyo maber!—Carolok 3:5, 6; Icaya 48:17, 18.
TAM KONG
Iromo bedo laco, dako nyo lanyodo maber nining?
Baibul gamo lapeny meno i JO EPECO 5:1, 2 ki JO KOLOCAI 3:18-21.