Pwony me 11

Kwer Dini Goba!

Catan ki jogi-ne pe gimitti in i ti pi Lubanga. Gin mitti gilok dano ducu woko ki bot Lubanga ka gitwero. Gin temme me timo man nining? Yoo acel aye me tic ki dini goba. (2 Jo Korint 11:13-15) Dini moni bedo me goba ka pe pwonyo lok ada ma a ki i Baibul. Dini goba obedo calo cente ma poro cal cente kikome​—romo twero nen calo cente ma ada, ento konye pe. Twero keli peko mapol.

Goba me dini pe twero yomo cwiny Jehovah, Lubanga me ada. I kare ma Yecu tye iwi lobo, onongo tye jo me dul dini ma mito neko en. Gin onongo gitamo ni yoo me worogi aye tye kakare. Guwacci: “Watye ki wonwa acel, en aye Lubanga.” Yecu tika oye? Pe! En owaco botgi ni: “Wun [oa] ki bot wonwu, Catan.” (Jon 8:41, 44) I komkare ni jo mapol gitamo ni gitye ka woro Lubanga, ento i ada gitye ka tic pi Catan ki jogi-ne!​—1 Jo Korint 10:20.

Kit ma yat mutop nyako nyige maraco dini goba bene nyako jo matimo gin maraco. Wii lobo opong ki peki pi jami maraco ma dano timo. I kin jami maraco ni tye iye tim caro, lweny, kwalo kwo, dic, nek ki buto ki ngat mo tek-tek. Pol pa jo ma gitimo tim maraco magi gitye ki dini, ento dini-gi ni pe ki teko me weko gutim gin maber. Gin pe gitwero bedo lurem Lubanga ni kwanyo ka guweko timo gin maraco.​—Matayo 7:17, 18.

Dini goba pwonyo dano me lega bot cal apaya. Lubanga wacci pe ileg bot cal apaya. Man niange. In itwero maro ka ngati mo pe loko kwedi ento loko ki cali aye? Ngati eno ni twero bedo laremi me ada? Pe, en petwero. Jehovah mito-ni dano gulok ki en, pe ki cal acweya nyo cal agoya, ma pe ki kwo-ni.​—Nia 20:4, 5.

Dini goba pwonyo ni tye atir me neko dano i kare me mony. Yecu owacci lurem Lubanga bibedo tye ki mar i kingi kengi. Wan pe wa neko dano ma wamarogi. (Jon 13:35) Pe tye kakare pi wan kadi wa me neko dano ma kite rac. I kare ma lumone pa Yecu gubino ka make, en pe oweko jo malube gulwenyo me gwoko en.​—Matayo 26:51, 52.

Dini goba pwonyo ni lutim maraco bi neno can i mac me kapiny. Ento, Baibul pwonyo ni bal kelo to. (Jo Roma 6:23) Jehovah obedo Lubanga me mar. Lubanga ma lamar vomo weko dano wang nakanaka? Ngene kene ku! I Paradic, dini bibedo acel keken, en ma Jehovah cwako-ni. (Niyabo 15:4) Dini ducu ma ojenge i kom goba pa Catan bibedo pe.