Lok ma Tye i Iye

I kare-ni, jo mapol giyenyo yweka ki i lobo pa Catan. Pwony man binyamo tyen lok mumiyo omyero waket cwinywa i nongo cwak pa Jehovah, ma meno aye mot madit loyo ma watwero nongone. Wabinyamo bene kit ma Jehovah miyo kwede mot bot luticce ma lugen, i kare mukene romo bedo i yo ma onongo pe gitwero byekone.

I pwony man, wabinyamo gin mumiyo Moses, laco ma lagen-ni, otimo bal ci orwenyo motte me donyo i Lobo ma Kiciko Pire. Wabipwonyo bene kit ma watwero gwokke kwede ki i bal acel-lu.

Dano ducu gubedo pa Jehovah, pi meno omyero wabed lugen bote. Jo mukene giwaco awaca ki doggi ni giworo Lubanga, ento pe giworo cikke. I pwony mukwongo, wabinongo pwony ma pire tek ki i gin ma kicoyo i Baibul i kom Kain, Solomon, Moses, ki Aron. I pwony me aryo, wabinyamo yo mapatpat ma watwero nyuto bot Jehovah ni watye ki pwoc pi bedo jone.