Lok Ma Tye i Iye
CABIT ME FEBUARI 26, 2018–MARCI 4, 2018
3 ‘En Miyo Teko Bot Jo Magoro’
Gin ango ma myero watim ka wawinyo calo pekowa dong obwoyowa woko ma pe kanye? I pwony man, wabinyamo ginacoyawa me mwaka 2018. Wabipwonyo tyen lok muweko wamito teko ma a ki bot Jehovah ki kit ma en biminiwa kwede teko.
CABIT ME MARCI 5-11, 2018
9 Nipo Notowa Kacel ki Yomcwiny
I mwaka-ni, Nipo me to pa Yecu bibedo i ceng Abicel, nino dwe 31, me Marci. Watwero yubbe nining pi kwer man? Wabinongo adwogi maber nining ka wabedo tye iye? Ki dong Nipo konyo me note jo pa Lubanga nining i twok lobo lung? Wabinongo lagam pi lapeny magi i pwony man.
CABIT ME MARCI 12-18, 2018
15 Pingo Omyero Wami Bot Ngat ma Tye ki Jami Ducu?
Jami ducu ma watye kwede a ki bot Jehovah. Ento en miniwa kare me mine jami ma watye kwede, me tic ki jami ma watye kwede me tyelo kor dulle. Pingo? Wanongo adwogi mabeco nining ka watiyo ki lonyo ma watye kwede me miyo deyo bot Jehovah? Wabinyamo lapeny magi i pwony man.
CABIT ME MARCI 19-25, 2018
21 Kit Mar Ango ma Kelo Yomcwiny me Ada?
CABIT ME MARCI 26, 2018–APRIL 1, 2018
27 Nen Apokapoka ma Tye i Kit Dano
Pwony mukwongo nyamo kit ma yomcwiny me ada a ki i maro Lubanga ento pe ki i bedo ki cwiny me mar ma paro pire kene ma onya ‘i kare man me agikki-ni.’ (2 Temceo 3:1) Pwony ma lubo tito kit ma jo pa Lubanga gipat kwede ki pol pa dano me kare-ni.