Obwo Lamak Rec i Kare me Baibul

Lulub kor Yecu mukene onongo gubedo lumak rec. (Mar. 1:​16-20) Onongo gitiyo ki obwo me mako rec i Nam me Galilaya.

Me yubo obwo, dano onongo gitiyo ki tol ma kiwiyo ci kitweyogi kacel. Ka lamak rec onongo mito mako rec matino, en onongo yubo obwo ma wange tino. Dok ka en onongo mito mako rec madongo, en onongo yubo obwo ma wange dongo. Obwo matino onongo kitweyo got matino i tenge wek olwiny i pii, ento obwo ma wange lac onongo kitweyo got mapek i tenge wek olwiny i pii ki dong bao i tenge tungcel wek opye i wi pii.

Obwo lamak rec onongo welgi tek adada. Dok onongo got ma tye i te pii twero yeco obwo magi, nyo bene twero yec woko ka rec pol adada i iye. (Luka 5:6) Baibul loko i kom kit ma Yakobo gin ki Jon gubedo “ka yubo obwogi”—nen calo gubedo ka tic ki libira ki uci madongo me kwoyone. (Mat. 4:21) Lumak rec pol kare onongo gikwoyo obwogi i nge tyeko tic kwede. Luka bene oloko i kom lumak rec ma onongo “gitye ka lwoko obwogi” me kwanyo daba ki i iye. (Luka 5:2) I ngeye, lumak rec onongo gingabo obwogi ka two i wi ceng wek pe otop woko.—Ejek. 47:10.

Yecu olwongo co ma gingeyo mako rec me doko “lumak dano.”