Ti ki ‘Mot me Cwiny’ ma Itye Kwede

Wan ducu wanongo cuko cwiny ka wabedo kacel ki omegiwa ki lumegiwa. Ento wek wanong cuko cwiny i kare ma kit meno, mitte ni watim gin makato bedo kacel keken. Baibul waco ni kerowa me jingo niye pa luwotwa obedo ‘mot me cwiny.’ (Rom. 1:​11, 12) Watwero tic ki mot man i yo maber loyo nining?

Cuk cwiny jo mukene ki lokki. Ka itye ka miyo lagam i cokke, gwokke pe me lok tutwal i kom tammi nyo kwoni kekeni. Me ka meno, lok i kom jami ma ipwonyo ki bot Jehovah kacel ki luticce ma lugen, ki dong ki i Baibul. Ka itye kacel ki omege ki lumege, lok i kom jami ma twero jingo niyegi.

Wek kit ma ikwo kwede kacel ki tam ma imoko ocuk cwiny jo mukene. Me labolle, jo mogo gumoko tamgi me medde ki tic pi kare malac kadi bed timo meno pe yot, dok man twero cuko cwiny jo mukene. Jo mogo gibedo tye i cokke me dye cabit kare ducu kadi bed gitye ki peko me yotkom nyo giwinyo olo pi tic mapol ma gitye kwede.

Tika in icuko cwiny omege ki lumege ki lokki kacel ki jami ma itimo? Dok tika in ineno jami ma omege ki lumege gitimo dok giwaco me cuko cwinyi?