TAM MA TWERO KONYI
Kit me Po i Kom Wang Ginacoya
Tika dong nino mo inongo ni tek me po i kom wang ginacoya mo ma imaro? Twero bedo wang ginacoya mo ma cuko cwinyi, ma konyi lweny ki tam maraco, nyo ma imito nywako ki ngat mo. (Jab. 119:11, 111) Tam magi ma kireyogi-ni twero konyi me po i wang ginacoya.
Ti ki JW Laibrari. Ka itye ka kwano Baibul kun itiyo ki JW Laibrari dok inongo wang ginacoya mo ma imito ni wii opo iye, itwero keto alamaa i kom wang ginacoya meno wek lacen nongone pe oyeli.
Mwon ka ma itwero nenone. Co i karatac wang ginacoya ma imito ni wi opo iye, dok iket ka ma itwero bedo ka nenone teretere. Utmege mukene gimwono wang ginacoya ma gimaro i kor ot. Jo mogo gimako calle ci giketo bedo ka nen i wang cimgi nyo tabuletgi.
Ti ki kad. Co wang ginacoya meno i but kad tungcel, ka dok ico nyig lok me ginacoya meno i bute tungcel. Tem neno wang ginacoya meno, ci item po i kom nyig lok me wang ginacoya meno. Lok nge kad, ci inen nyig lok me ginacoya meno, ci item po ka ma nonge iye i Baibul.
a Pi ngec mukene ma tito kit me tic ki JW Laibrari nen vidio ma wiye tye ni “Gin ma Dulwa Ocobo—Kit me Tic ki JW Laibrari,” i jw.org/ach.