Goyo Cal Twero Konyi me Po i Kom Gin ma Ipwonyo

Pol kare, pe yot me po i kom gin ma wapwonyo. Ento yot me po i kom jami mapol ma Yecu opwonyowa kwede pien en pol kare onongo tiyo ki lapor. Watwero goyo jami magi i wiwa dok meno konyowa me po i kom jami ma en opwonyo. I yo acel-lu, wi twero po i kom jami ma ikwano ka itute me goyo calle. Itwero timo man nining? Goyo cal jami ma ipwonyo i karatac twero konyi.

Jo ma gigoyo i karatac cal jami ma gupwonyo pol kare wigi po iye maber. Diro me kwan man pe konyogi me po i kom nyig lok ma gitye ka kwano-ni keken, ento bene pwony ma pigi tego ma gunongo. Cal ma gigoyo pe oromo bedo mwonya tutwal ento gubedo cal ma goyogi yot. Dok kwed ma kitimo nyuto ni kadi wa jo ma gutii bene gitwero nongo adwogi maber ki i diro me kwan man me po i kom gin ma gitye ka kwanone.

Ka itye ka kwan, pingo pe item goyo cal jami ma ipwonyo i karatac? Itwero bedo ki ur i kom jami mapol ma wi bipo iye!