KWOWA MACALO LUKRICITAYO
Jing Niyeni i kom Lok pa Lubanga
Lok pa Lubanga twero loko kwowa. (Ibru 4:12) Ento wek wanong adwogi maber ki i tam ki tira ma Baibul miyo, omyero waye ni Baibul ada obedo “Lok pa Lubanga.” (1Tec 2:13) Watwero jingo niyewa i kom Baibul nining?
Kwan Baibul nino ducu. Ka itye ka kwanone, nen gin ma moko ni Jehovah aye obedo ngat muweko kicoyo Baibul. Me labolle, kwan tam ma nonge i buk me Carolok dok inen gin ma nyuto ni ryeko ma tye iye tiyo kare ducu.—Car 13:20; 14:30.
Ket yub me kwano Baibul kun itiyo ki bukwa mo acel. Bed ki ngec i kom gin ma moko ni Jehovah aye oweko kicoyo Baibul. Ka itye ki Buk ma Konyo Lucaden pa Jehovah me Kwedo Lok cit i te wi lok madit ni “Baibul” ci iyeny “Lubanga Aye Oweko Kicoyo.” Itwero bene jingo niyeni ni kwena ma i Baibul pe kiloko ka ikwano ngec ma nonge i Appendix A3 i Baibul me New World Translation.
NEN VIDIO MA WIYE TYE NI PINGO WATYE KI NIYE I KOM . . . LOK PA LUBANGA, CI IGAM LAPENY MA LUBO:
Coc ki cal ma kigoro i kom ot me woro pa Luejipt i Karnak moko nining ni Lok pa Lubanga tye ada?
Wangeyo nining ni kwena ma i Baibul pe olokke?
Kit ma Baibul obwot kwede moko nining ni Baibul obedo Lok pa Lubanga?—Kwan Icaya 40:8