Legawa Pire Tek Adada bot Jehovah

Lega ma Jehovah jolo bedo calo odok ma ngwecce kur ma onongo kiwango kare ki kare i nyim Jehovah i ot me wore. (Jab 141:2) Wanyuto ni watero watwa ki Jehovah calo gin ma pire tek ka watite pi mar ki pwoc ma watye kwede pire, par ki gin ma wamito, ki dong ka walege pi tirane. Ngene kene ni, Jehovah neno lega macego cego ma omege gilego i nyim lwak i kacokke calo gin ma pire tek adada. Kadi bed kumeno, yomo cwiny Jehovah adada ka watero cawa malac i lega piwa kenwa bote kun watite jami ducu ma tye i cwinywa!—Car 15:8.

NEN VIDIO MA WIYE TYE NI AMARO LEGA ADADA, CI IGAM LAPENY MAGI:

• Mot me tic ango ma Omego Johnson obedo kwede i dul pa Jehovah?

• Omego Johnson ojenge i kom Jehovah i lega nining?

• Pwony ango ma inongo ki i gin mutimme i kom Omego Johnson?