Nyom—Obedo Gin ma Ribo Jo Aryo pi Naka

Nyom marii pi naka i kin Lukricitayo kelo deyo i kom Jehovah dok kelo yomcwiny bene bot luot meno. (Mar 10:9) Wek nyom moni orii pi naka dok obed me yomcwiny, Lukricitayo myero gulub cik ma igi lac me Baibul ka gitye ka yero ngat ma gibinyomme kwede.

Bedo me ryeko ka icako winye me nyom ki ngat moni ka dong ‘ikato kare me tinoni woko,’ ma en aye kare ma miti me buto nongo tye matek adada ma twero weko pe imoko tam matir. (1Kor 7:36, NWT) Ti ki kare ma pud wi nono i yo me ryeko kun ijingo watti ki Lubanga dok idongo kit mabeco ma opore pi Lukricitayo. Ka itimo meno, ci ibibedo atera me timo jami ma mitte wek nyomwu orii pi naka.

Ma peya iye me nyomme ki ngat mo, ter kong kare mo me ngeyo ‘kodi dano ango ma en obedo.’ (1Pet 3:4) Ka itye ki akalakala madit, ci wunyam lokke kacel ki ngat meno. Kit ma timme kwede i wat mo keken ma tye i kin dano, jo munyomme bene myero guket tamgi i kom gin ma gitwero miyone ki luotgi ento pe i kom gin ma gibinongo. (Pil 2:3, 4) Ka iketo cik ma igi lac me Baibul i tic ma pud peya inyomme, ci bibedo yot boti me medde ki timo meno i nge nyom wek ibed ki yomcwiny i kwo me otti.

NEN VIDIO MA WIYE TYE NI YUBBE PI NYOM—BUTE ME 3: ‘KWAN WEL LIM MA MITTE,’ CI IGAM LAPENY MAGI:

• Wat i kin lamego-ni ki John onongo tye nining i acakkine?

• Gin ango ma en oneno i kare ma ocako ngeyo John maber?

• Lunyodone gukonye nining, tam me ryeko ango ma en omoko?