Gwokke ki Miti Maraco

Macalo jo ma tye ki roc, omyero watute kare ducu me doro miti ma watye kwede. Ka watimo gin mo keken ma cwinywa mito, ci watwero rwenyo cwak pa Jehovah. Me labolle, jo mukene maro cam, ruk ki dong ot makato Lubanga. Jo mogo gicobo mitigi me buto i yo ma pe rwatte ki cik pa Lubanga. (Rom 1:26, 27) Jo mukene giweko kidiyogi me timo gin marac pien gimito ni kimargi.—Nia 23:2.

Watwero doro mitiwa nining? Omyero watute matek me keto cwinywa i kom jami me cwiny. (Mat 4:4) Dok bene, myero waleg bot Jehovah wek okonywa me doro mitiwa. Pingo? Pien en ngeyo gin maber loyo piwa, dok ngeyo bene kit me cobo mitiwa.—Jab 145:16.

NEN VIDIO MA WIYE TYE NI PE IWEK MATO TAA OBAL YOT KOMI, CI IGAM LAPENY MAGI:

• 

  Pingo jo mukene mato taa?

• 

  Mato taa twero gudi nining?

• 

  Pingo mato taa ki ywayo yito taa rac?—2Kor 7:1

• 

  Itwero kwero nyo bene juko mato taa nining?