Yo Adek Mapatpat ma Watwero Jenge Kwede i Kom Jehovah

Daudi oloyo lweny i kom Goliac pien en ojenge i kom Jehovah. (1Cam 17:45) Jehovah mito tic ki tekone me konyo luticce ducu. (2Tekwaro 16:9) I yo ango ma watwero jenge kwede i kom kony pa Jehovah me ka jenge i kom ngecwa ki kerowa? Nen yo adek magi:

• Leg kare ducu. Pe ileg pi kica ka itimo bal keken ento leg bene pi teko ka itye ka wok ki i atematema. (Mat 6:12, 13) Pe ileg ni Jehovah ogo laane i nge moko tammi ento leg pi tira ki ryekone ma pud peya imoko tam.—Yak 1:5

• Bed ki yub me kwano Baibul piri keni. Kwan Baibul nino ducu. (Jab 1:2) Tam matut i kom jami ma ikwanogi ki i Baibul, dok ket i tic pwony ma inongo. (Yak 1:23-25) Yubbe maber pi tic me pwony me ka jenge i kom jami ma itimo i kare mukato angec. Yubbe maber con pi cokke wek inong adwogi maber ki iye

• Wot kacel ki dul pa Jehovah. Bed ki ngec i kom tira manyen ducu ma dul pa Jehovah miyo kare ki kare dok ilub labongo galle. (Wel 9:17) Bed lawiny bot luelda ka gumini tira ki tam.—Ibru 13:17

NEN VIDIO MA WIYE TYE NI PE MYERO WALWOR AUNAUNA, CI IGAM LAPENY MAGI:

• Lworo ango ma omege ki lumege magi gubedo kwede?

• Gin ango ma okonyogi me loyo lworogi?