Gud Cwiny Dano

Cwinywa aye terowa me bedo luwiny bot Jehovah. (Car 3:1) Pi meno, ka watye ka pwony, watute me gudo cwiny jo ma tye ka winyo lokwa. Watwero gudo cwinygi nining?

Pe itit bot latin kwanni lok ada me Baibul keken, ento konye me niang kit ma en twero tic kwede ki ngec meno i kwone me nino ducu ki dok me dongo watte ki Jehovah. Konye wek oniang kit ma cik me Baibul nyuto kwede mar pa Lubanga, berre, ki dong kite matir. Ti ki lapeny ki diro me konye wek ongine kekene me niang kit ma en winyo kwede i kom gin ma tye ka pwonyone. Konye me tam i kom adwogi maber ma en binongone ka oloko tamme ki timme maraco. Ka ineno mar ma latin kwanni tye kwede pi Jehovah, yomcwinyi bene bimedde.

NEN VIDIO MA WIYE TYE NI NONG YOMCWINY I TIC ME PWONY​—DONG DIRONI—​GUD CWINY DANO, CI IGAM LAPENY MAGI:

• 

  Pingo Betty openyo Precious ni: “Tika itamo i kom gin ma waloko iye i ceng Baraja?”

• 

  Betty okonyo Precious nining me niang kit ma cik me Baibul nyuto kwede mar pa Jehovah pire?

• 

  Betty okonyo Precious nining me niang kit ma etwero nyuto kwede marre pi Lubanga?