Bed ma Iyubbe i Agikki me “Kare me Agikki”

Ka wawoto ki ciro pekki i agikki me ‘kare me agikki-ni,’ wangeyo ni pekki bene bimedde ameda. (2Tem 3:1; “can ma bipoto i lobo” jami akwana madok i kom Mat 24:8, nwtsty-E) Jo pa Jehovah ginongo tira ma gwoko kwogi i karene kikome ka can ma poto atura otimme. Wek wabwot i kare meno, omyero walub tira ma kiminiwa kun wabedo ma wayubbe i kare-ni i yo me cwiny ki me kom.​—Luka 16:10.

• Yubbe maber i yo me cwiny: Bed ki yub maber i yo me cwiny. Pwony kit me tito kwena i yo mapatpat. Pe iwek komi omyel ka pe itwero ribbe ki jo me kacokke pi tutunu. (Ic 30:15) Gin mo keken pe twero poko kin in ki Jehovah kacel ki Yecu.​—od-E 176 para. 15-17

• Yubbe maber i yo me kom: Jo me ot ducu myero guyub jami ma bimitte ka can ma poto atura otimme. Jami calo cam ma pe balle oyot, pii amata, ki dong jami mukene ma ibitiyo kwedgi ka mitte ni ibed i kabedo mapat pi kare mo.​—Car 22:3; g17.5-E 4, 6

NEN VIDIO MA WIYE TYE NI TIKA DONG IYUBBE PI PEKO MA POTO ATURA? CI IGAM LAPENY MAGI:

• 

  Watwero yubbe i yo me cwiny nining pi peko ma poto atura?

• 

  Pingo pire tek me . . .

  • kubbe ki luelda?

  • gwoko jami ma bimitte ka peko opoto atura?

  • nyamo pekki mapatpat ma twero poto ki gin me atima?

• 

  Jami adek mene ma watwero timone me konyo jo mukene ka ce peko opoto i komgi?

PENNYE KEKENI, ‘Peko me two corona opwonya gin ango madok i kom bedo ma ayubbe pi can ma poto atura?’