Yer Luremi ki Ryeko

Gin mutimme i kom Luicrael i bar me Moab tye me ciko wan Lukricitayo i kare-ni. (1Kor 10:6, 8, 11) Luicrael ma gucako ribbe ki mon me Moab ma lukwele dok giworo cal jogi gutimo bal madit adada. Man okelo adwogi marac adada. (Wel 25:9) Jo murumowa i kare-ni, me labolle lutic luwotwa, lutino kwan luwotwa, jiraniwa ki jo ma wangeyogi pe giworo Jehovah. Ngo ma watwero pwonyo ki i gin mutimme i kom Luicrael madok i kom adwogi marac ma wanongo ka wamako lirem ki jo ma pe woro Jehovah?

NEN VIDIO MA WIYE TYE NI LABOL MA CIKOWA I KARE-NI​—BUTE MANOK, CI IGAM LAPENY MAGI:

• 

  Tam marac ango ma Jimri kacel ki luwote gumiyo ki Jamin?

• 

  Finekaci okonyo Jamin nining me bedo ki neno matir?

• Apokapoka ango ma tye i kin bedo ki wat maber ki ngat ma pe laye ki dong bedo lareme?

• Pingo myero wagwokke adada ka watye ka yero luremwa macok kadi wa ki i kacokke?

• Pingo myero wagwokke ki boko lok ki jo ma pe wangeyogi ki i kabedo me Intanet?