Jehovah Gwoko Jone

Kwer me Kato mukwongo onongo pire adada. I dyerwor meno, ma Parao oniang ni latin kayone oto woko, en owaco ki Moses ni: “Wua, wucit woko ki i kin lwakka, wun kacel ki jo Icrael ducu; wuciti, wuti bot Rwot [Jehovah], kit macalo wuwaco-ni.” (Nia 12:31) Jehovah onyuto ni En egwoko luticce kare ducu.

Ka watamo i kom gin mutimme i kom Lucaden pa Jehovah i kare-ni, ci waneno ka maleng ni Jehovah tye ka medde ki tiro kacel ki gwoko jone. Kinyuto kit ma man otimme kwede i kagwoko jamiwa ma nonge i gang kalwa madit ma kilwongo ni ‘Jo ma Kilwongogi ki Nying Jehovah.’

NEN VIDIO MA WIYE TYE NI KAGWOKO JAMIWA ME WARWICK: ‘JO MA KILWONGOGI KI NYING JEHOVAH,’ CI GAM LAPENY MAGI:

• 

  Jami tic mene ma Lutino Kwan me Baibul gubedo ka tic kwede nicakke i 1914 me jingo niyegi i kom Baibul, dok man okelo adwogi maber ango?

• 

  Atematema ango ma gukemme kwede i 1916 ki 1918, dok gin ango ma onyuto ni Jehovah onongo tye ka telo dulle?

• 

  Jo pa Jehovah gucung matek nining pi niyegi kadi bed gukemme ki adegadega?

• 

  Niango manyen ango ma jo pa Jehovah gunongo i 1935, dok man ogudogi nining?

• Ka dong icito i kagwoko jamiwa ma i Warwick, ci gin ango ma ineno ma ojingo niyeni ni Jehovah tye ka telo ki gwoko jone?