Kit me Tic ki Bute me Kit me Nyamo Lok

Nicakke i Januari 2018, kibedo ka keto bute ma waco ni Kit me Nyamo Lok i pot karatac me acel i Yub me Cokke me Kwowa ki Ticwa Macalo Lukricitayo. Watwero tic kwede nining?

Ka Ibimiyo Pwony pa Lutino Kwan i Cokke: Myero iti ki lapeny, ginacoya ki lapeny pi lim mukene ma tye i bute me kit me nyamo lok. Ento man pe tyen lokke ni myero inwo en nyig lok acel-li ma kitiyo kwede i vidio me kit me nyamo lok. Itwero cako lokki i yo mapat. Dok itwero miyo ginakwana mo ki i Kin Jami Ticwa me Pwony, kadi bed pe kinyuto i yub me cokke ni iti kwede.

Ka Itye i Tic me Pwony: Kit me nyamo lok miniwa tam mogo ma twero konyowa. Ka ngat mo onyuto miti dok mito niang jami mukene ci wutwero medde ki nyamo lokwu i cawa meno, nyo bene wutwero medde ki nyamo lapeny pi dok cen ka lim. Itwero loko kit me lokki manok, nyo lok i kom gin mapat. Tika kit me nyamo lok me dwe mukato angec nyo ginacoya mo mukene dok gudo cwiny jo ma i wang ticwu loyo? Tika jo ma i wang ticwu gitye ki miti me lok i kom jami mutimme cokcok-ki nyo ma okatti i lok angeya? Itwero tic ki kit me nyamo lok i yo mo keken, ento mitini myero obed me ‘timo jami ducu pi lok me kwena maber, wek inywak gum ma a ki iye kacel kwedgi.’​—1Kor 9:22, 23.