Gin Ango ma Itwero Pwonyone ki Bot Lukricitayo ma Guteggi i Yo me Cwiny?

I kacokkewa, watye ki jo ma gutiyo pi Jehovah pi kare malac. Watwero nongo pwony ki i kit ma gujenge kwede i kom Jehovah. Watwero penyogi jami mutimme i dul pa Jehovah i kare mukato angec, ariya ma guwok ki iye ki dong kit ma Jehovah okonyogi kwede me lweny. Watwero bene lwongo jo magi i Woro me Otyeno Macalo Jo me Ot wek gutit jami mutimme i kwogi.

Ka dong itiyo pi Jehovah pi mwaki mapol, bed agonya me tito pi niyeni bot jo matino. Yakobo ki Yucepu gutito pi jami mutimme i kwogi bot jo matino. (Acak 48:21, 22; 50:24, 25) Lacen, Jehovah ociko wegi odi me tito pi ticce me aura bot lutinogi. (Nwo 4:9, 10; Jab 78:4-7) I kare-ni, lunyodo ki jo mukene me kacokke gitwero tito bot jo matino jami mabeco ma Jehovah ocobo kun tiyo ki dulle.

NEN VIDIO MA WIYE TYE NI MYERO WANOTTE KA KIKETO KIGENG I TICWA, CI GAM LAPENY MAGI:

• Jang gang kal me Austria okonyo utmege ma i lobe ma kigengo iye ticwa nining?

• Utmege ma i lobe magi gucung matek i niyegi nining?

• Pingo lutit kwena ma i Romania gua woko ki i dul pa Jehovah, dok gudwogo cen nining?

• Jami mutimme-ni jingo niyeni nining?