KWOWA MACALO LUKRICITAYO
Kit ma Jo Munyomme Gitwero Jingo Kwede Nyomgi
Abraim ki Cara gubedo lanen maber pa luot ma gimarre dok giwore i kingi. (Acak 12:11-13; 1Pet 3:6) Kadi bed kumeno, peko bene obedo i nyomgi dok gukato ki i atematema. Pwony ango ma luot gitwero nongone ki i lanen pa Abraim ki Cara?
Tit tammi bot lawoti. Ka luoti oloko ki kiniga, dok iye ki mwolo. (Acak 16:5, 6) Wunong kare me bedo kacel. Nyut i lokki ki ticci ni imaro luoti. Ma pire tek loyo wuket cwinywu i kom watwu ki Jehovah kun wukwano Baibul, wulego, dok wuwore kacel. (Latit 4:12) Ka wat i kin jo munyomme tye matek ci gikelo deyo i kom Jehovah, Lacak te yub man maleng-ngi.
NEN VIDIO MA WIYE TYE NI KIT ME JINGO WAT I KIN JO MUNYOMME, CI GAM LAPENY MAGI:
Gin ango ma nyuto ni wat i kin John ki Kiara onongo dong pe tye maber?
Pingo pire tek ni jo munyomme gutit tamgi ka maleng bot luotgi?
Lanen pa Abraim ki Cara okonyo John ki Kiara nining?
Gin ango ma John ki Kiara gutimo me jingo nyomgi?
Pingo jo munyomme myero pe gutam ni nyomgi bibedo labongo peko mo?
Wutwero jingo nyomwu!