“Lobo Ducu Yam Onongo Tye ki Leb Acel”

11:1-4, 6-9

Jehovah oketo jo ma lujemo ma i Babel-li kun nyweno lebgi woko. I kare-ni en tye ka coko kacel lwak dano mapol ma gia ki i rok ki leb mapatpat dok tye ka minigi “leb matir” ‘wek gulwong nyinge, dok guti bote ki cwiny acel.’ (Jep 3:9, NW; Yabo 7:9) ‘Leb matir-ri’ aye lok ada madok i kom Jehovah kacel ki yubbe kit ma kicoyo kwede i Ginacoya.

Pwonyo leb manyen pe kwako mako nyig lok keken. Kwako bene loko kit ma itamo kwede. I yo acel-li, ka wapwonyo leb matir, ci kit ma watamo kwede bene lokke doko nyen. (Rom 12:2) Man obedo gin ma mitte ni watim kare ducu wek kuc obed tye i kin jo pa Lubanga.​—1Kor 1:10.