Lobo ‘Omwonyo Kulu Woko’

Nicakke wa i kare macon, luloc me gamente gubedo ka konyo jo pa Jehovah. (Ejira 6:1-12; Esta 8:10-13) Kadi wa i kare-ni, “lobo”​—ma en aye luloc mogo me lobo-ni ma ginyuto niango​—gitye ka mwonyo ‘kulu’ ma cung pi aunauna ma “min kulu,” ma obedo catan larac-ci tye ka kelone i kom jo pa Jehovah. (Yabo 12:16) Jehovah, ‘Lubanga ma laro dano’ twero tugo cwiny luloc me lobo me konyo luticce.​—Jab 68:20; Car 21:1.

Ento ka kitweyi i buc pi niyeni kono? Bed ma cwinyi tek kun ingeyo ni Jehovah bigwokki. (Acak 39:21-23; Jab 105:17-20) Bed ki gen ni kibimini mot pi niye ma inyuto, ki dok ni ka igwoko genneni ci ibicuko cwiny utmege ma i but lobo ducu.​—Pil 1:12-14; Yabo 2:10.

NEN VIDIO MA WIYE TYE NI KIGONYO UTMEGE MA ONONGO GITYE I BUC I LOBO KOREA, CI IGAM LAPENY MAGI:

• Pingo kitweyo utmege alip mapol i buc i lobo South Korea mwaki mogo mukato angec?

• Kingolo kop nining i kot ma oweko kigonyo utmege mogo ma karegi me bedo i buc peya otum?

• Watwero konyo utmegiwa ma kitweyogi i buc pi niyegi i twok lobo ducu nining?

• Watwero tic ki karewa maber nining ka pud watye agonya?

• Anga ma weko waloyo kop mo keken i kot?