“Wuket Tamwu i Kom Lok Macalo Magi”

Lok mene? Jo Pilipi 4:8 waco ni waket tamwa i kom gin ma tye ada, ma romo awora, ma tye atir, maleng, mamwonya, ma dano pwoyo, maber, ki dong ma myero apaka. Ngene kene ni Lukricitayo myero pe dong gubed ka tam i kom jami ma i Baibul keken. Ento, tam ma walwodo i cwinywa myero obed ma yomo cwiny Jehovah. Myero pe walwod lok i kom jami ma weko bedo tek botwa me gwoko gennewa bote.​—Jab 19:14.

Twero bedo tek adada me gwokke ki i tam macilo. Myero walweny pe ki gorowa keken ento wa ki Catan bene, ma obedo “lubanga me lobo man.” (2Kor 4:4) En aye ma doro jami me galowang calo telebijon, redio, gajeti ki bukke akwana, ki dong Intanet. Ka pe watiyo ki ryeko me yero jami me galowang ci twero balo tamwa woko, dok motmot kitwa bene biballe woko.​—Yak 1:14, 15.

NEN VIDIO MA WIYE TYE NI GWOKKE KI JAMI MA BALO GENNENI​—GALOWANG MA PE OPORRE, CI GAM LAPENY MAGI:

• 

  Gin ango ma omego-ni onongo tye ka nenone i cimme, dok man ogude nining?

• 

  Jo Galatia 6:7, 8 ki Jabuli 119:37 okonye nining?