Yecu Bene Oto pi Omeru

Yecu otyero kwone pi jo ma tye ki roc. (Rom 5:8) Labongo akalakala mo, wan ki acel acel watye ki pwoc madit i kom mar ma Yecu onyutiwa ki tyero kwone piwa. Kadi bed kumeno, i kine mukene mitte ni wapo wiwa ni Kricito bene oto pi omegiwa. Watwero nyuto mar calo pa Kricito bot omegiwa ki lumegiwa ma gitye ki roc calo wan-ni nining? Nen kong yo adek. Mukwongo, watwero yabo cwinywa malac kun wamako lurem ki jo mukene ma tekwarogi pat ki megwa. (Rom 15:7; 2Kor 6:12, 13) Me aryo, omyero wagwokke ki waco nyo timo gin ma cwero cwiny jo mukene. (Rom 14:13-15) Ki dong, ka ngati mo otimo bal i komwa, omyero watimme kica oyotoyot. (Luka 17:3, 4; 23:34) Ka wayelle matek me lubo lanen pa Yecu i yo magi, ci Jehovah bimedde ki goyo laane i kacokkewa ki miniwa kuc kun wabedo ma wanote kacel.

NEN VIDIO MA WIYE TYE NI BED NGAT MA CWINYE TYE ATIR! I NGEYE, GAM LAPENY MAGI:

• 

  I acakkine, Viky onongo winyo nining i kom kacokkene?

• 

  Ngo mumiyo en ocako loko nenone?

• 

  Lanen pa Yecu okonyo Viky nining me loko nenone? (Mar 14:38)

• 

  Carolok 19:11 twero konyowa nining me bedo ki neno matir i kom Lukricitayo luwotwa?