KWOWA MACALO LUKRICITAYO

Ti ki Diro ki Jami Ticwa ma Pigi Tego me Pwony

Tic ki Baibul ki brocuwa me miyo caden bot laco mo

Loko dano me doko lapwonnye obedo calo gero ot. Me gedo ot maber, myero wapwony kit me tic ki jami gedo i yo maber. Tutwalle myero wadong dirowa me tic ki Lok pa Lubanga ma en aye tye calo gin ticwa ma pire tek loyo. (2Tem 2:15) Myero bene wati ki jami ticwa mukene calo buke ki vidio i yo maber wek walok dano me doko lupwonnye.a

Itwero dongo dironi nining i kit me tic ki Jami Ticwa ma Pigi Tego me Pwony? (1) Peny laneno me gurupwu me tito kwena wek okonyi, (2) ti kacel ki latit kwena nyo lapainia mucwiny i ticwa me pwony, ki dong (3) bed ka poro kit me tic kwedgi teretere. Ka idongo dironi i kit me tic ki buke kacel ki vidio magi, ci ibinongo yomcwiny i ticwa me loko dano me doko lupwonnye ma tye ka timme kombeddi-ni.

MAGAJIN

BROCUWA

Winy Lok pa Lubanga wek Ibed Kwo Nakanaka

Jo Mene ma Gitye ka Timo Miti pa Jehovah i Kare-ni?

BUKE

TRAK

Watwero nongo lagam me lapeny ma pigi tego ki kwene?

VIDIO

Lucaden pa Jehovah—Wabedo Kit Dano Ango?

KARATAC ME LWONGO

KAD ME JW.ORG

a Buke mogo manok ma peke i kin jami ticwa ma pigi tego onongo kicoyogi tutwalle pi gurup moni. Buke magi watwero tic kwedgi ka ce warwatte ki jo magi.