Tika Itwero Temone pi Mwaka Acel?

Temo ngo? Tic macalo painia marii! Pud dong ibinongo mot mapol ya!​—Car 10:22.

KA ITIYO MACALO PAINIA, ITWERO . . .

• dongo dironi macalo latit kwena kun bene imedo yomcwinyi i ticwa me pwony

• jingo watti ki Jehovah. Ka ibedo ka tito lok i kome teretere, man bene bipoyo wi teretere i kom kite mabeco me aura

• nongo yengo ma bino ki i keto pi Ker-ri mukwongo i kwoni, ki yomcwiny ma bino pi konyo jo mukene.​—Mat 6:33; Tic 20:35

• bedo tye i cokke pa painia i kare me lim pa laneno me adwol, cokke ma kite dok pat ma bedo tye i kare me gure me adwol, ki dong Cukul me Pwonyo Painia

• nongo kare me kwano Baibul ki dano mapol

• tero cawa malac kacel ki lutit kwena luwoti kun wucuko cwinywu kekenwu.​—Rom 1:11, 12