Gen Jehovah dok Iti Gin Maber

“Nyeko pe omaki i kom lotim tim maracu” (Katoli Baibul)

37:1, 2

• Pe iwek yot kwo pa jo maraco ma tye pi kare manok keken-ni owir tammi ki i tic pi Jehovah. Ket cwinyi i kom cobo yub me cwiny ki mot ma a ki bot Lubanga

“Gen Rwot [Jehovah], dok iti gin maber”

37:3

• Bed ki gen ni Jehovah bikonyi ka itye ki akalakala nyo lworo i kom gin mo keken. En bikonyi me bedo lagen

• Lung wi i tito kwena maber me Ker pa Lubanga

“Bed ki yomcwiny i [Jehovah]”

37:4

• Ket cawa me kwano ki lwodo Lok pa Lubanga wek inge Jehovah maber

“Mi kwoni bot [Jehovah]”

37:5, 6

• Bed ki gen ni Jehovah bikonyi me lweny ki peko mo keken

• Gwok kiti maber kadi bed itye ka rwatte ki adegadega, aunauna, nyo kiloko lok goba i komi

“Bed mot i nyim Rwot [Jehovah], dok idi cwinyi ikure”

37:7-9

• Gwokke ki timo jami aruya, meno twero rwenyo yomcwiny ma itye kwede dok balo watti ki Jehovah

“Jo mamwol aye gibicamo lobo”

37:10, 11

• Dong cwiny me mwolo, kun ikuro ni Jehovah okwany jami ducu maraco ma itye ka wok ki iye

• Mi kony bot Lukricitayo luwoti, dok ikwe cwiny jo ma cwinygi otur kun inywako kwedgi cikke pa Lubanga pi lobo manyen, ma dong cok bino