‘Wot ki Niye, Pe pi Jami ma Ineno’

Ma dong kicok jwero Jerucalem, lakwena Paulo ocoyo ni Lukricitayo, macalo lumony pa Kricito, omyero gunge ni gibiwok ki i can dok pe guter camo kuc macalo gin ma pire tek loyo. (2 Tem. 2:3, 4) Ki twon can ma bipoto i kom jo me lobo ma pe gingeyo Lubanga-ni, wamito niye matek wek waket tamwa i jami me cwiny. (2 Kor. 4:18; 5:7) Nen vidio me ‘Walk by Faith, Not by Sight.’ (Cit i jw.org, ci inen i te PUBLICATIONS > VIDEOS.) Tam kong kit ma miti pi jami me kom odoko owic bot Naham ki Abital. Ingeye, gam lapeny magi.

(1) “Gin mo me kwer, malik, ma . . . ocung i kabedo maleng” i cencari me acel obedo ngo, dok Lukricitayo ma onongo gikwo i Jerucalem onongo myero gutim gin ango cutcut? (Mat. 24:15, 16) (2) Pingo niye onongo mitte wek lwak guring woko ki i boma me Jerucalem? (3) Dano gujalo gin ango i kare me ngwec? (4) Pingo Naham ki Abital gugalle? (Mat. 24:17, 18) (5) Gin ango mukene ma otemo niye pa Rachel i kare ma en tye ka a woko ki i Jerucalem? (Mat. 10:34-37; Mar. 10:29, 30) (6) Ethan onyuto lanen maber ango me niye ki geno Lubanga? (7) Peko ango ma Lukricitayo gulimo i Pella? (8) Niye pa Naham ki Abital mot mot odoko goro nining? (9) Jehovah ogwoko Lukricitayo ma gitye i Pella nining? (Mat. 6:33; 1 Tem. 6:6-8) (10) Waromo lubo lanen pa Abraim gin ki Cara nining ka wanyikke cok ki agikki me lobo-ni? (Ibru 11:8-10) (11) Tyen lok ango ma Naham ki Abital gumiyo me dok cen i Jerucalem dok pingo tamgi onongo pe tye kakare? (Luka 21:21) (12) Kwo me Jerucalem onongo tye nining i kare ma Naham ki Abital gudok cen kunu? (13) Pingo myero wajing niyewa kombeddi ma peya agikki me loboni obino?—Luka 17:31, 32; 21:34-36.

Wot ki niye te lokke ni (1) wageno tira pa Jehovah, (2) waweko en aye nyutiwa yo me aluba, dok (3) wanyuto ni watwa ki Jehovah pire tek loyo jami me kom. Wamoku tamwa me wot ki niye, kun wageno ni “lobo tum woko ki mitine ducu; ento ngat ma tiyo gin ma Lubanga mito ri nakanaka.”—1 Jon 2:17.