Kit me Cako Lok

Me Cako Kwano Baibul ki Dano i Ceng Abicel Mukwongo me Febuari

“Pol pa jo ma waloko kwedgi gitye ki tam mapatpat i kom Baibul. Jo mogo gitamo ni obedo Lok pa Lubanga, ento mukene gineno calo buk mo ata. In mono itamo ningo i kom Baibul?” Mine kare wek ogam. Nyut pok nge Wi Lubele me Febuari 1, ci wunyam kacel lok ma tye i te lapeny mukwongo ki ginacoya acel ma kiketo kenyo. Miye magajin meno, ci wuyub awene ma ibidok iye ka nyamo lapeny ma lubo.

Wi Lubele Febuari 1

“Pol pa dano gimito neno agikki me lweny. Itamo ni gen me neno kuc i lobo ducu bicobbe ada? [Mine kare wek ogam.] Nen kong cikke ma tye i Ginacoya. [Kwan Jabuli 46:9.] Tye me ur ni jami mutimme i kare me Lweny me Wi Lobo me I ki i ngeye miyowa gen ni cokcok-ki Lubanga bicobo cikke man kun giko lweny matwal. Magajin man tito kit ma bitimme kwede.”

Awake! Febuari

“Watye ka limo dano pi kare manok me nyamo peko mo ma dong onya i kin piny. Nen calo cawa pe muromo me cobo jami ducu ma wamito. Mono itamo ni wape ki cawa pien watye ki tic mapol tutwal me atima nyo pien wabalo cawa abala? [Mine kare wek ogam.] Pol pa dano pe gingeyo ni Baibul miyowa tam ma konyowa me tic maber ki cawawa. Labol acel ene. [Kwan Jo Pilipi 1:10a.] Magajin man nyamo jami angwen ma okonyo jo mapol me tic maber ki cawagi.”