Kit me Cako Lok

Me Cako Kwano Baibul ki Dano i Ceng Abicel Mukwongo me Januari

“Pol pa dano gitye ki tam ma meggi i kom Lubanga. Mogo gitamo ni en obedo teko mo ma pe niango wi dano. Mukene gitamo ni en Wonwa me polo ma lamar. In mono tammi tye ningo i kom Lubanga?” Mine kare wek ogam. Nyut bote pok nge Wi Lubele me Januari 1, ci wunyam kacel lok ma tye i te lapeny mukwongo, ki ginacoya acel mo ma kiketo kenyo. Mi bote magajin, ci wuyub awene ma ibidok iye ka nyamo lapeny ma lubo meno.

Wi Lubele Januari 1

“Watye ka limo dano pi kare manok me lok i kom gin mo ma gudo wan ducu—to pa danowa me amara. Rwenyo laremwa nyo watwa me amara obedo gin malit mada, pe kumeno? [Mine kare wek ogam.] Jo mapol dong gunongo ni wang Baibul man kweyo cwinygi mada i kare meno. [Kwan Icaya 25:8.] Magajin man nyamo cikke me Baibul ni to bigik matwal, dok jo me amarawa gibikwo odoco.”

Awake! Januari

“In mono iye ni i kareni kwo pa jo me ot tek mada? [Mine kare wek ogam.] Carolok man me Baibul wacciwa gin ma mitte pi jo me odi wek guger odigi dok gujing cwiny jo me odigi. [Kwan Carolok 24:3.] Jo mapol dong gunongo ni Baibul genne, dok obedo wang it me ryeko. Magajin man nyamo lok i kom kabedo me Intanet ma jenge i kom Baibul, dok tye ki pwony ma twero konyo jo me odi.”