“Kit ma Watwero Tero Kwede Magajin i . . . ”

Dwe ki dwe watye ki but Cokke me Ticwa ma nyamo lok i kom kit me tero magajin. Tyen lokke pe obedo me wot wiye wiye i jami ma tye i magajin moni. Me ka meno, bute man kiyubo me nyamo tam mapatpat i kom kit me tero magajinwa. Pi meno, omego ma miyo pwony man myero ocak ki lok macek, ma tugo miti pa lwak. Ci i ngeye okwa lutit kwena me miyo tamgi i kom pwony acel acel, wek dano ducu gulubi kun ginongo tam ma gitwero tic kwede. Ma ka penyo lwak ni gumi tamgi i kom kit me nyuto magajin moni, en bikwayogi me miyo tam mapatpat i kom lapeny ma tugo miti pa dano, ci i ngeye en penyogi pi ginacoya mupore me akwana. En odol te pwonye ki lwongo dano me nyuto lapor i kom kit me tero magajin acel acel. Kicuko cwinywa me kwano magajin magi con ma peya wabino i cokke wek wabed atera me miyo tamwa. Ka wan ducu wayubbe maber, bute man bikonyo ngat acel acel me pwonyo lawote.—Car. 27:17.