Lok Angeya

◼ Bukke ma kibiterogi i Febuari: Lutit kwena giromo tero bukke magi: Is There a Creator Who Cares About You?, The Bible—God’s Word or Man’s?, nyo Mung me Nongo Yomcwiny i Kwo me Ot. Marci: Ter Baibul Mono Ada Pwonyo Gin Ango? Yelle matek me cako kwano Baibul ki dano i rwattewu mukwongo. Ka rwod ot dong tye ki buk dok pe oye kwano Baibul, lutit kwena giromo miyo bote magajin mo macon nyo brocuwa ma pwony ma iye rwatte ki miti pa rwod ot meno. April ki Mai: Watchtower ki Awake! Ka ngat mo onyutu miti, ti ki trak me In Mono Imito Ngeyo Lok Ada? ci itute me cako kwano Baibul kwede. Ka itye ka dok bot jo ma gunyutu miti kacel ki jo ma gimaro bedo tye i kare me Nipo nyo ma gibino i cokke kicel kicel, yelle matek me cako kwano Baibul kwedgi ki buk me Baibul Mono Ada Pwonyo Gin Ango?

◼ Pwony ma kite dok pat ma bibedo i tum pa cabit ma lubo Nipo wi lokke tye ni, “Agikki Piny Mono Dong Onyiko Cok Mada?“

◼ Ka ngati mo tye ki yub me limo lobo mo ma pe kiryeyo nyinge i kin lobe ma kiryeyo nyingi i ripot me ticwa ma cokcok-ki, nyo ma pe kiketo bok me canduk-ke i kin ma kiketogi i pot karatac me agikki me Yearbook manyen loyo, otim ber kong openy ki i jang gang kal wek onge ka gwok tye cik mo nyo tira mogo ma myero olubi. Oromo bedo ni kiketo gigeng mogo i kom ticwa me tito kwena me Ker-ri. (Mat. 10:16) I lobe mukene bedo ber ka wele pe gutemo yenyo Lutit kwena, nyo kacokke ma kunu. Kiromo bene miyo tira mukene ma dok i kom kit me miyo caden ma pe iyubbe iye nyo kit me tingo ter me bukkewa. Cwak ma wumiyo pi tira man konyo me weyo pekki mapol pi ngat ma mito limo lobo moni, ki pi tic me Ker-ri i lobo meno.—1 Kor. 14:33, 40.