Nyamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke Decemba 26, 2011.

1. Tira ma wanongo i Carolok 30:32 twero konyowa nining pe me medo nyo tugo kiniga pa ngat ma wawango iye? [w87-E 5/15 pot 30 para. 11]

2. Kit “yomcwiny” ango ma weko dano winyo ni gin mo pud orem i kwone? (Latit. 2:1) [g-E 4/06 pot 6 para. 1-2]

3. Jo mukene giwacci lok ma Solomon ocoyo i Latitlok 3:1-9 cwako pwony man ni jami ducu ma timme dong kiyubo woko con. Ento, lok ma en ocoyo i Latitlok 9:11 nyuto nining ni tam meno pe tye atir? [w09-E 3/1 pot 4 para. 4]

4. Peko ango ma bino pi bedo “dano ma kite atir tutwal”? (Latit. 7:16) [w10-E 10/15 pot 9 para. 8-9]

5. Wer pa Solomon 2:7 [Baibul me leb Lango] nyutu nining ni jo ma gimito nyomme myero pe gurune i yero dano me anyoma? [w06-E 11/15 pot 19 para. 1; w80-E 4/15 pot 19 para. 7]

6. Tyen lokke ngo ka kiwacci dog nyako me Culam “lim calo kic” dok ‘mo kic ki cak tye i te lebe’? (Wer 4:11) [w06-E 11/15 pot 19 para. 6]

7. I yo ma nining ma nying me dog tic magi: “Lami Tam ma Giuro,” “Lubanga Won Twer” ki “Won ma Bedo Nakanaka” konyowa me niang kit pa Yecu ki locce i lobo manyen? (Ic. 9:6) [w91-E 4/15 pot 5 para. 7]

8. I kare-ni, jo mene ma kiporogi ki jo Icrael ma gubedo “rok ma gukwero woro Lubanga,” dok ngo ma bibedo calo “odo” ma Jehovah bitic kwede me jwerogi? (Ic. 10:5, 6) [ip-1-E pot 145 para. 4-5; pot 153 para. 20]

9. Lok pa Icaya ni “dano pe dok bibedo” i Babilon-ni obedo me ur tutwal dok cobbe pa lok man miyo wabedo ki gen i kare-ni nining? (Ic. 13:19, 20) [g-E 11/07 pot 9 para. 4-5]

10. Awene ma Yecu ogamo “[layab] me ot pa Daudi,” dok en tye ka tic nining ki layab meno? (Ic. 22:22) [w09-E 1/15 pot 31 para. 2]